Hallo almal en baie dankie solank vir die hulp.

Na die vorige raad het ek vinnig die UV-ligte (30 & 15W) vervang en hoop nou vir die beste.

Hoe gereeld moet ek backwash? Ek verstaan dat wanneer 'n mens backwash, jy weer vars water intap met 'n klomp goed in waarvan alge hou. Ek verstaan ek sal die pompmandjie gereeld moet skoonmaak; myne het binne 5 dae heeltemal toe ge-alg.

Sal graag wil hoor wat julle dink.
Deon

In die winter, ten minste elke twee weke;
In die winter, ten minste 10% van jou totale volume elke twee weke;

In die somer, ten minste elke week;
In die somer, ten minste 10% van jou totale volume per week;

In die somer kan dit nodig wees om elke derde dag te backwash afhangende van die hoeveelheid alge en ander organiese materiaal in jou dam. Die effektiwiteit van jou UV speel 'n rol, die effektiwiteit van jou biologiese filter speel 'n rol, byvoorbeel hoeveel 'solids" word verwyder voordat die water by die sandfilter kom, temperatuur speel 'n rol en natuurlik die hoeveelheid kos wat jy gee. So ook die grote van jou sand/gruis in die sandfilter. Hoe fyner die sand, hoe meer moet jy backwash.

Elke dam sal anders wees. Hou jou watervloei dop, en sodra jy merk dit neem af, doen 'n backwash.

Dankie Paul.

Waardeer jou moeite met die antwoord.

Ek was net bang ek backwash dalk te veel. Ek hou maar die pomp-mandjie dop. Die afgelope week het die mandjie binne 3 dae heeltemal volg alg gegroei of alg opgevang.

Ek het ±4-5mm sand in my KOI 3 sandfilter.

Kan 'n mens te min sand inhê? Die sandvlak is omtrent my volle hand se lengte onder die bo-kant van die pyp wat van onder kom (hoop jy verstaan my poging om te verduidelik.)

Dankie weer baie vir jou hulp.
Deon

As die vlak van die sand te hoog is, spoel sand soms uit by die backwash pyp en kan selfs 'n verstopping veroorsaak. Indien te laag, beinvloed dit die effektiwiteit.

Joune klink fine. Onthou om die sand te roer elke keer as jy backwash. Ek het 'n piksteel by elkeen van my sandfilters. Dit werk lekker om die "crust" op te breek en "diep te delf" om al daai gemors wat aan die sand kleef los te maak. 'n Piksteel "lever" lekker al om die rante.

Een keer 'n jaar haal ek al die sand uit en was dit goed en vul aan want oor 'n tydperk van 'n jaar verloor jy van jou sand.

Dankie weer, Paul.

Ek keer sommer die sand met my hand om elke keer wanneer ek backwash.

Lekker KOI.

Deon