Hier is bietjie van 'n 'chewing the cud' vraag. Kan 'n mens dit bereik met 'n setup van onder 50 000l, en wat sou jy nodig he?

Om dit te beantwoord moet mens kyk wat die doel is van waterveranderings?

Die hoofdoel sou ek se is,

1 Jou filters moet geflush word, verkieslik met pond water. Hoe groter die volume, hoe minder is nodig.

2 Jou Nitrate moet uit die sisteem gehaal word om konstant binne perke te bly. 'n Bakki shower of waterval kan dit ook doen, maar nie so effektief soos waterveranderings nie.

3 Visse skei hormone af indien daar overstocking is, wat hul groei beinvloed. Waterveranderings verminder die hormone in die water, wat beter groei veroorsaak.

4 Water veranderings verminder Ammonia en Nitrite, alhoewel jou filters dit behoort te doen.

5 Water veranderings herstel en vervang noodsaaklike minerale in die sisteem.

0% waterverandering is nie regtig haalbaar en aan te beveel nie, veral met stelsels onder 50 000 l. Hoeveelheid vis per liter maak natuurlik ook 'n groot verskil. Een vis in 20 000 l water byvoorbeeld, en jy kan wegkom met geen water verandering nie.

Hi Paul,

Dankie vir die terugvoer. Ek het 'n paar vrae/opmerkings. Alles is natuurlik heeltemal hipoteties.

As ammoniak, nitrates en nitrites deur 'n bakki shower en waterval verminder word, kan 'n mens dan nie net daardie kapasiteit baie vermeerder nie?

Wat as jy 'n helse veggie filter of wetland trickle filter het, sal hy nie die job doen nie?

Hormone is iets waaraan ek nie gedink het nie. Hoe effektief is proteien skimmers hiervoor?

Laastens, die minerale ens wat hernu word. Meeste mense gebruik seker munisipale water vir veranderings, wat volgens my kennis meestal kalsium en flouried bevat. As jy nou kon gedistilleerde water of skoon reenwater gebruik, kan 'n mens nie maklik die minerale optop met 'n aanvulling wat jy bygooi nie?

Ek dink gereelde waterveranderings is goedkoper as groot filtrasie stelsels wat die behoefte vir waterveranderings beperk.

Uit praktiese ondervinding het ek geleer dat waterveranderings noodsaaklik is vir goeie groei. Ek is nie 100% op hoogte van al die redes nie, en niemand weet waarskynlik wat al die redes is nie. Daar is nog baie min studie gedoen van byvoorbeld die tipe hormone wat opbou en groei belemmer.

Met koi glo ek dat die natuur so na en prakties as moontlik nageboots moet word. Waterveranderings is deel daarvan. Dit neem ietwat van die nadele van 'n geslote stelsel weg.

Uit die aard van die saak sal filtrasie die omvang van minimum waterveranderings beperk, maar ek glo dat dit steeds nodig sal wees.

Miskien is daar 'n expert op die gebied wat vir ons kan verduidelik?