Goeie môre en dankie solank vir julle replies.

Ek wil net graag by al die kundiges hoor wat die ideale sout-persentasie is. (Ek besef daar is mense wat nié van sout in hulle dam hou nie, maar ek het reeds sout in en gaan daarby bly.)

Ek het 'n soutmeter en sal net wil weet wat die aanbevole sout-persentasie is.

Dankie solank!
Deon

Deon,

Dit is beter om geen sout in jou dam water te he nie!
Baie mense hou hulle water op 0,1%, maar ek is seker dat parasiete 'n weerstand teen sout sal ontwikkel in so geval.

Om dit nitrite" spike" in 'n nuwe dam te help beheer is 0,3% genoeg en dit moet daar gehou word totdat die nitrite lesing aanvaarbaar is.
Onthou dat sout net deur middel van water verandering uit die water gehaal kan word.

Indien nuwe vis aangekoop word, gooi ek gewoonlik sout in my kwarintyn dam 'n dag voordat die vis aankom. Ek begin met 0,3% en stoot dit stadig op na 0,6% vir 7 dae.

MOET NOOIT SOUT SAAM MET FORMILIN OF ZEOLITE GEBRUIK NIE

Sout kan ook aangemaak word met water sodat dit 'n pasta gevorm word.
Dit kan dan met 'n klein kwassie op 'n klein seer of kneus plek aangewend word. Herhaal behandeling elke 3 dae, nie langer as 4 maal nie. Dit verig wonders.

Pieter
http://southafricankoi.11.forumer.com

Ek stem saam dat parasiete 'n weerstand teen sout kan opbou, en wanneer jy wel 'n probleem ontwikkel met 'n parasiet uitbarsting, is 'n sout behandeling nie so effektief nie soos wat dit sou wees indien daar geen sout in die water was nie. Dit maak dit ook moeilik om te behandel met sekere medisyne indien nodig.

Dus gebruik ek sout net in die volgende gevalle:

* Wanneer ek nuwe vis in 'n kwarantyn fasiliteit plaas. Die Japanese gebruik 0.5%, so ek doen dieselfde.

* Wanneer ek enige onraad vermoed soos visse wat skuur of "flash"

* Wanneer ek enige vis sien hang of homself afsonder.

* Wanneer daar per abuis van die vuil filter water in die pond beland.

* Wanneer ek nuwe vis vanaf my kwarantyn fasiliteit oorplaas na die pond.

* Wanneer ek behandel vir 'n parasiet nadat ek 'n positiewe diagnose gemaak het met 'n mikroskoop. (0.5%) in ernstige gevalle en (0.3%) in minder ernstige gevalle, tensy ek Malachite Green of Formalien of Zeolite gaan gebruik in my behandeling.

* Sodra dit warmer raak aan die begin van elke somer, vir 'n tydperk van twee maande(0.3 %) en daarna laat ek dit stelselmatig verminder met my normale weeklikse water veranderings. Dit veroorsaak 'n ekstra slym laag wat die vis beskerm teen parasiete en bakteriele infeksies gedurende die tydperk waar siektes maklik voorkom. Nitriete is ook geneig om die oorhand te kry tydens die periode weens die feit dat Nitrobacter stadig groei en nog nie op dreef is op 'n tydstip waar die visse reeds baie eet en ammonia veroorsaak wat omgeskakel word in Nitriete.

* Wanneer ek merk dat die Nitriete ietwat hoog is om een of ander rede. Die sout negativeer die nadelige effek van Nitriete op die vis as dit kom by die vis se vermoe om suurstof uit die water te haal.

* Na spawning.

* Nuwe ponds.

* Wanneer ek gelol het met my plante, soos om hulle te skei of te verminder, en al die "junk" word vrygestel in die water as gevolg daarvan.

* Wanneer visse fisiese beserings opgedoen het, want sout is 'n antiseptiese middel en dit voorkom dat parasiete die lae immuniteit van die vis weens die besering uitbuit.

* Wanneer my water baie groen is. Dit beheer die alge in 'n mate en verhoed dat die alge al die suurstof gebruik.

Benadeel sulke lae persentasie sout waterplante?

Indien daar plante in die water is behoort die sout konsentrasie nie meer as 0.1% te wees nie alhoewel die water Iris en water lelie heel gelukkig is met 'n konsentrasie van tot 0.3%

Die Iris en Lelie vrek teen 0.5%
Die Hiasinte en water lettuce vrek teen 0.1%
Die Papyris vrek teen 0.4%