I just received the terrible news from Colin that Mario's wife, Wendy, was shot and killed at their koi farm in Johannesburg in a robbery.

My deepest sympathy Mario, our thoughts are with you.

sorry mario dammit dis nie goed nie

Terribly sad news. Deepest sympathy to Mario and his loved ones.

Damn.. ,my Deepest Sympathy Mario and Loved Ones

Man val oor vrou se lyk
(http://www.beeld.com/Suid-Afrika/Nuus/Man-val-oor-vrou-se-lyk-20110322)


Riata Nel
’nTeler van koivisse het gister bo-oor sy vrou se lyk geval kort nadat sy koelbloedig met ’n kopskoot op hul hoewe doodgeskiet is.

“Sy is vermoor en my lewe is aan skerwe,” het ’n gebroke en emosionele mnr. Mario Wilken gistermiddag gesê.

Wilken en sy vrou, Wendy (60), woon die afgelope 15 jaar op ’n kleinhoewe in Walkerville, suid van Johannesburg, en is eienaars van die onderneming The Koi Farm.

Drie mans wat hulle as klante voorgedoen het, het vier werkers gisteroggend net ná 09:00 op die kleinhoewe oorval en na die huis gedwing.

Wilken en sy vrou is in die huis oorval. Almal is in die spens gedwing.

“Ons moes die kluis oopmaak wat in die spens is,” het Wilken vertel.

“Daar is niks in die kluis nie. Toe soek hulle geld. Wendy is uit die spens geruk. Sy moes vir hulle geld gee. Ek het ’n skoot gehoor en die deur oopgestamp.”

Sy vrou het in ’n plas bloed op die grond gelê.

“Sy was die liefdevolste mens wat altyd ander wou help, maak nie saak wat hul velkleur of ras is nie.”

Wilken het gesê hulle is oorval, sy vrou is doodgeskiet en die mans het gevlug.

“Niks is gesteel nie.”

Hy het ’n beloning van R50 000 uitgeloof vir inligting wat tot die suksesvolle inhegtenisneming en skuldigbevinding van die mans sal lei.

“Ek het die aardbewing in Japan met drie uur gemis en nou dít.”

Wilken was in Japan om koi te koop en was sowat drie uur in die lug toe die aardbewing dié land geruk het.

Die voorval gister was die tweede gewapende rooftog op hul kleinhoewe binne drie jaar.

“Hier was vandag baie polisie. Ek twyfel of enigiets hiervan gaan kom,” het Wilken gesê.

Hy het gesê hy sien nie kans om met die koi-onderneming voort te gaan nie.

Inwoners van Walkerville is moedeloos en kwaad oor die sinnelose misdaad en moorde.

Mnr. Brain Ubsdell, wat naby Wilken woon, het sy medelye gister kom betoon.

Hy is twee jaar gelede op sy kleinhoewe oorval, vasgebind en met ’n strykyster gebrand.

Volgens hom word die gebied deur gewapende rooftogte en moorde geteister.

“My bure is beroof en nog een is verlede jaar vermoor.”

Ubsdell wil self ’n koi-onderneming begin, maar die toename in gewapende rooftogte by ondernemings in dié gebied kwel hom.

Mev. Wilken laat ook vier dogters en vyf kleinkinders agter.